Ann Mamma Thai Kitchen by 張秀玲 - 沙漠綠洲

食物：$$$$

環境：$$$$

服務：$$$$

圍繞住荃灣香車街街市，都是舊式屋村、茶記及士多，好難想像，那兒竟然有間門面光鮮的Thai Kitchen，與這地方明顯格格不入。

我以為，呢間泰菜館係呢度好難生存，但唔覺唔覺，佢已經係度近一年。

某天，要與好友車爸媽交收美食，兼一齊食午餐，原來大家對這間『外型出眾』的店子都有興趣，那就試試吧!

    

點了三份午餐，大家分甘同味，永遠是我們的習慣。海南雞飯端上時，我們都被嚇呆了，因份量實在大得驚人，有理由相信是兩個飯底。雞肉皮爽肉滑，配上兩隻醬，分別是我喜歡的甜醬油，以及地道的泰式生蝦汁醬，各有所愛。

另一份係黃咖喱牛腩飯，份量同樣不少，特別是跟上的白飯，勁慷慨。黃咖喱汁香但不辣，幾好送飯。牛腩件件鬆化，洋蔥、薯仔也討好，尤其是後者，粉嫩可口，絕非配角。

紅咖喱鴨肉飯，賣相靚仔。我今次醒目叫店員少飯，但其實仍是巨大。同樣是香氣陣陣的紅咖喱，吃起來多一份甜美，皆因廚子下了蘋果、菠蘿及荔枝等水果去烹煮，盛意之作，讚！唯一要挑剔的，係鴨肉未算很嫩滑，我猜是用現成貨吧？！

幾十蚊的午餐，連埋大大杯飲品，實在無咩可以投訴。

下次我要來試試其晚餐，希望會再有驚喜！

餐廳資料:
Ann Mamma Thai Kitchen by 張秀玲
荃灣曹公坊11號地舖
28060881