Feather & Bone - 自煮靚肉眼

話說，早前在Feather & Bone吃午餐，得到了些優惠劵，但只限Retail用，不能堂食。

趁而家潮流興自煮，買點東西回家，自己做大廚也好。

作為食肉獸既筆者，對這裡的肉類一向有興趣，而且買走比起堂食便宜一大截，價錢合理，一於揀塊靚扒吧！

　　　

肉眼、西冷定和牛好呢？羊架、豬腩肉都好誘人，一時間眼花撩亂，心大心細。

掙扎左幾秒，終於拿定主意，買了塊約280g的Ribeye。

牛油、Rosemary，以至露筍，呢度一應俱全，唔使撲來撲去四圍搵。因為這兒根本就是集餐廳、肉店及雜貨店於一身的好地方。

簡單在牛扒面頭灑上鹽及胡椒，以牛油起鑊，加些少迷迭香，香煎肉眼扒是也。

煎牛扒最好的是，生一點與熟一點都無所謂，總之唔係Well Done到完全咬唔開就得，反正我唔係要火侯拿捏得非常準繩的大廚。

入口鬆化，肉味十分濃郁，痴住脂肪的位置更為甘香，但我覺得仲可以生少少，始終呢度既牛扒，如我所料，係有一定水準。

之後才發覺忘記了整露筍... 老人痴呆！

疫情過後，各位最大既得著，好可能就係廚藝進步咗~

餐廳資料:
Feather & Bone
荃灣大河道100號海之戀商場地下G09號舖
26188160