Feather & Bone - 新寵

食物：$$$$

環境：$$$$

服務：$$$1/2

海之戀眾多食肆之中，個人暫時最推薦的，就是Feather & Bone。

集肉店、雜貨店及餐廳於一身的Feather & Bone，在港已有數家分店，以港島區高尚地段為主，從沒諗過佢會係荃灣開設分店。

        

隨意挑兩款食物，大家開心些牙。總覺得，假日應該吃全日早餐，大概是貪其夠豐富，可以不用看時間慢慢歎。

煙肉、香腸、煎蛋、焗豆、炒蘑菇及薯餅等堆砌成一碟，睇見都開心。很喜愛吃薯餅，有時食麥記早餐都係為左塊薯餅 (Sorry，我唔應該將老麥同呢度相題並論)，這兒的香脆亦唔怕死實；兩隻太陽蛋煎至燶邊，破穿蛋黃，任由蛋汁滲進麵包之內，從來美味；煙肉比我早兩星期在同場的德國餐廳更好，還有肉味濃郁的香腸，炒得香口的蘑菇，以及微辣的焗豆，呢份全日早餐，我滿意。

食漢堡不一定要食牛的，來個Fish Burger，同樣滿足。包身外微脆內軟熟，鱈魚剛炸起，香脆熱辣，加埋點點帶酸的紫椰菜，不錯。漢堡訪的酸青瓜，是好東西，可惜不是人人懂得欣賞。伴邊的炸薯皮，味道濃郁，沒丁點泥味，再飽也要全清掉。

一如歐洲許多地方，Flat White是沒有拉花，不過味道絕不遜色。

不敢出街食飯的日子，買些靚肉回家自煮，不失為苦中作樂的好選擇。

餐廳資料:
Feather & Bone
荃灣大河道100號海之戀商場地下G09號舖
26188160