2020年3月20日 星期五

僕之拉麵 - 特別口味



食物:$$$1/2
環境:$$$1/2
服務:$$$$

人在深水埗,忽然拉麵癮起 (一定係無得去日本既關係!),好想搵個地方整碗熱騰騰的日式拉麵。

『二郎系』的混亂拉麵已結業,同是拉麵陳旗下的隱家本來是個不錯的選擇,然而當筆者上網找到這家僕之拉麵,我決定去會一會佢,畢竟沒試過的我都會有較大興趣。

麵檔與樓面均有日本人在陣,似乎靠得住,我這個想法是否有點膚淺?

餐牌中的鹽黃油檸檬拉麵吸引著我的眼球,皆因孤陋寡聞既我從沒嚐過類似的出品,所以就選上了。
       


先呷啖湯,濃郁的牛油香氣之中滲出檸檬的清新,頗對我口胃。兩片叉燒是超薄的,入口自然不氣韌,且肉味幾重,半隻味付雞蛋亦做到溏心效果,倒是不俗。拉麵不是我喜歡的幼麵,還幸質感爽口。


另點了一份小食,係炸餃子。新鮮出爐的餃子,肯定夠晒熱,吃時要特別小心燙口。個子小小的餃子,外皮香脆而不是硬轟轟,豬肉餡味道幾好,其實不沾旁邊的沙律醬也唔成問題,醮了則可減低油膩感,也可取。


要罐可樂吧!疫情再次提醒我,應該要及時行樂,想吃便吃,想喝便喝吧~


不設加一,但都要$135落樓,深水埗區來說,這收費似乎是進取了些。

點餐紙寫著:由於病毒的影響,現時臨時只售清湯。謝謝你的理解。

其實我真係唔多理解,兩間有何關係?

濃湯會否更出色?疫情過後我可能又要來試試。


餐廳資料:
僕之拉麵
深水埗北河街116A號地舖
23745288

4 則留言: