小南洋 - 是我對星馬菜要求特別高嗎?

食物：$$$

環境：$$$$

服務：$$$1/2

四月份是否出遊，仍在掙扎之中。

日本南韓風險高，台灣越南唔受你玩，泰國菲律賓要香港入境人士自我隔離十四天，難道又再揀新加坡馬來西亞？

Anyway，一切都是言之尚早，隨時星馬都封埋你。想懷念星馬美食的話，找個地方整番碗肉骨茶仲實際。

            

坐底二話不說先來客五花腩肉骨茶，Bak Kut Teh有跟上幾粒油炸鬼，不過白飯需要另加十個大洋。

幾片腩肉夠肥夠邪惡，沾上黑漆漆的醬油還算合格。可是，湯底既不是胡椒味濃，亦唔係藥材味作主導，有點不倫不類，唯一好處是熱度足。由於湯底未如理想，索味的豆卜吸引度自然大減。早知如此，我直頭費事加錢要米飯。

再要份小食，原本點的是炸魚蛋，卻落錯單來了煎魚餅，無所謂啦！還幸，質感彈牙，帶微辣，個人認為，不醮甜辣醬更好。

唔明點解，熱拉茶都無，唯有要杯咖啡...

明明是Food Republic集團旗下，卻完全不是南洋風味，R晒頭~

餐廳資料:
小南洋
沙田沙田車站圍1號Citylink1樓105號舖
21570025