食物：$$$$
環境：$$$$
服務：$$$$
好好醜醜又一年！
過時過節，跟好友不妨吃得豐富點，過年食中菜似乎又是理所當然，或者我都係比較傳統。想了又想，決定摒棄酒店中菜廳，來到檔次同樣高級的皇御園。
踏入團年飯既高峰期，那管是酒店或酒家，總是人多得嘈喧巴閉，呢度相對寧靜得多，可以清清靜靜傾下計，是我揀選這店的原因之一。
三味前菜均是師傅的拿手好戲，冰菜採用法國貨色，確比市而嚐到的更為爽脆和甜美，只輕輕沾上胡麻醬，已相當清新開胃。
海蜇頭相比坊間的厚身得多，口感自然爽脆，配以份量恰好之青芥末，微微的攻鼻感覺醒神，卻不會過搶。叉燒看上去是偏瘦，但入口鬆化，蜜味充足，合我口胃。
平日食飯，我或許會略過湯品，不過來『做節』，還是有湯水好。要喝就喝最好的，珍珠貝海底椰花膠燉鱷魚肉，以紫砂茶壺作盛器，最能有效保持湯的熱度。呷一口，湯頭很清甜滋潤，加埋片花膠，女士肯定喜歡。
收起茶壺，店員送上來的百花釀蟹鉗，當然與飲宴的出品不一樣，因這兒用上了松葉蟹。大口咬下去，除了蝦膠的彈牙口感外，還有絲絲蟹肉，很鮮甜，即使沒沾酸甜醬汁，已經可口。底座的是漬蘿蔔，個人認為酸度可以去盡一點，家陣有少少唔湯唔水咁。
豉油雞份量比我預期中多，相信是半隻。雞肉嫩滑且入味，即便是雞胸也不嚡口，煙燻味亦很重，我鍾意。
上湯浸豆胚真的清甜嫩口，完全無『骨』，三扒兩撥便將之清掉。
食埋個師傅推薦的雲腿海味手工拉麵，飽到上心口。
然而，吃甜是另一個胃的。以長碟放上三款甜點，桂花糕清新怡人，蛋散鬆化且甜品恰好，蛋白杏仁茶是生磨，有水準。
開年，去邊度食好呢？
餐廳資料:
皇御園
份甜品好吸引呀，唔知幾時起，越來越like中式甜品。:)
回覆刪除識貨
刪除豉油雞面的是茶葉？
回覆刪除對
刪除