百味堂 - 好"爆"的新口味

食物：$$$1/2

環境：$$$$

服務：$$$$

Stressed反過來，就是Desserts，所以甜品可以抵抗壓力。身上藏著甜基因既筆者，絕對認同這個說法，起碼對我嚟講有效。

相信香港人近排壓力肯定很大，有必要時，吃點甜品緩和下吧！

最近同朋友經過百味堂，就一口氣掃左佢四款新出的甜品，可能我哋呢排真係好唔開心、好大壓力。

       

第一款是甘薯牛奶雪糕。百味堂是韓國品牌，用番當地的甘薯，大概是理所當然的事。地瓜即叫即焗，保證新鮮熱辣，配以百味堂的招牌牛奶雪糕，冷熱交融的效果，實在滋味。即使冬天吃著這款雪糕，也相當享受。

另一款甜點，名為雪芝酪，也是我全晚最喜歡的一味。採用了Mascarpone Cheese，其軟滑和富奶香的質感味道，令人陶醉。更妙的是配上海鹽，自行沾些少，咸甜碰撞起來所產生的化學作用，教人停不了口。若然手中能有杯香濃的熱咖啡，就完美。

百味堂的皇牌牛奶雪糕，坦白說是吃過很多遍，所以當佢今次搞新意思，推出黑豆豆乳雪糕，我是滿心期待。多一份黑豆的香濃，是否能多一分健康？尤其呢期特別需要。

最後一款，係皇室堡新店的限定甜品。百味堂與韓國著名麻油品牌芳油堂Crossover，推出的呢款麻油雪糕，完完全全顛覆了我既想像，真的可行嗎？雪糕其實就是剛才介紹的黑豆豆乳雪糕，再自行注入麻油。麻油的芳香令黑豆雪糕的豆香更突出，成件事感覺好特別，好微妙。

吃完數款甜品之後，心情似乎真的好了... 當然，也要同好朋友一齊享受才愉快。

餐廳資料:
百味堂
尖沙咀梳士巴利道18號Victoria Dockside K11 Musea B2樓B225A號舖
66551901