鳳城1954 - 食在荃灣

食物：$$$

環境：$$$

服務：$$$

呢個月，除左返工，多半時間也逗留在荃灣。相信許多朋友也跟我一樣，盡量減少外出活動。

成日留係屋企都唔係辦法，荃灣愉景新城開了間鳳城1954，同家人去飲餐茶吧~

之後，擺左張灌湯餃既照片上IG，有人私訊我，話呢間鳳城同太子剛結業嗰間唔同架...

我知，我點會唔知~

    

柯打滿一桌子的點心，有創新的，亦有傳統的，看佢能否兼顧得到。由新派講起，包羅萬有，並不是鮑魚作主的項目，而係三款不同造型及味道的包點。豬仔賣相實際是叉燒包，味道屬正常，但我始終喜歡傳統裂口的叉燒包，包皮要夠鬆軟才好吃。

另一味係彩虹蝦餃，說穿了就是為蝦餃增添色彩。看形狀仍是可以，澄麵皮不黏牙，蝦肉餡份量唔少，沒有投訴。

和牛包做成雙色，是花過心思考量過。可是和牛並非入口溶化，當然我亦沒期望佢係A5貨色。

灌湯餃是真正的灌湯餃，不是浸在湯內的『偽餃』，而且漲卜卜外型又好，對此有點期望。雖然皮薄，湯汁及材料甚豐，沒有破穿，可是味道偏淡口，蟹肉甚至有點腥，要靠醋去作出彌補，未免有少許失望。

上湯炸粉果，是另一款經典點心，已有多年沒嚐過。粉果炸得酥香，內有唔少蝦肉在裡頭，本身已香口好吃，不明何解傳統吃法是將之浸在高湯內，大概是怕太熱氣吧，但又真是另一番滋味。

單吃點心可能不夠飽，再炒個招牌的鳳城炒飯就好。幾足料，幾夠味，米飯粒粒分明，已經收貨。

但願，可以快些衝出荃灣，與大伙兒一起放肆地吃吃喝喝。

餐廳資料:

鳳城1954

荃灣青山公路荃灣段398號愉景新城3樓3003號舖

23288398