2020年1月7日 星期二

鬼金棒 - 麻辣滋味



食物:$$$$
環境:$$$$
服務:$$$$

日本拉麵當中,豬骨湯、雞湯、魚芥、茄湯,以致蝦湯等,在香港比比皆是。然而麻辣湯底的日式拉麵,卻是鳳毛麟角,至少筆者未曾在本地試過。

東京人氣店鬼金棒,以麻辣拉麵見稱,最初進駐香港之時,口碑載道,辣魔朋友曾相約過筆者去一睹其風采,可惜當時抽不到時間赴會。

之後,我無左件事,直至鬼金棒在尖沙咀開設第二間分店。
      


都係嘟QR Code,自行落單。科技年代,沒有手機,做鬼都唔靈。


先來碗增量叉燒x2辣麻味噌拉麵,再加隻蛋,愈邪惡愈快樂。兩件叉燒巨大得有如磚頭,但入口鬆化,又不會像煲湯骨咁,質感很好,味道可口,懶理膽固醇超標,快趣吞落肚才算。芽菜及粟米芯,是經炒過的,多一份香氣,顯現店家誠意。


追加的溏心蛋,將之剪開,確實流心,而且蛋香濃郁,交足功課。粗身麵條向來不是筆者所好,但這個質感好,掛湯能力也高。小麻小辣唔夠勁,下次可試中麻中辣,或你自問是辣魔,不妨挑戰鬼增麻辣,但我唔會陪你癲。


拌麵是尖沙咀店開業新設的產品,有點芝麻醬,及陣陣花椒麻香,容易入口。基本麵碼是肉碎、炒香了的芽菜和粟米芯,我們另外了一隻溫泉蛋,美滿得多。


兩款均是小麻小辣,手中的信州白葡萄梳打無用武之地。


店家另有一款滿佈芫茜的拉麵,我見到已怕怕,不過若你是芫茜控的話,必定要去會一會佢。


餐廳資料:
鬼金棒
尖沙咀金馬倫道20號地舖
24812889

4 則留言: