Fabrice 嚐味: Fleur Hong Kong

2020年1月8日星期三

Fleur Hong Kong - 你打左卡未?

食物：$$$1/2

環境：$$$$

服務：$$$$

以前經常投訴我家附近無一間似樣的Cafe，想飲杯咖啡都要出荃灣，很惱人。但隨住南豐紗廠的成功活化，情況顯然已大不同，家陣的咖啡室多得我至今仍未試勻。

是日來到的Fleur，係近期既打卡熱點，身邊有唔少食友已經到訪過po過IG，我認我是來得太遲。

翻閱餐牌，十來款食物看似選擇不多，卻已包含了牛羊雞及海鮮，甚至照顧到素食者以及甜牙齒，連兒童餐都有，餐單設計是花過心思。

商議過後，柯打了Croissant Lover和Fish Lover來分享。牛角酥率先送來，當然佢唔會單來一件牛角包咁Hea，還有軟殼蟹及太陽蛋作餡料，賣相漂亮。牛角包很酥脆，若能將之加熱會更好。軟殼蟹稱不上肥美，但勝在炸得香脆，味道很鮮甜，加埋隻燶邊的太陽蛋，是邪惡但美味的。要提佢中芯夾了幾片自家製的酸青瓜，正好中和軟殼蟹的油膩感覺，水準蠻不錯。