Tokio Joe - 東京小子的樂與怒

食物：$$$

環境：$$$$

服務：$$$1/2

朋友相約我到蘭桂坊食飯，餐廳叫Tokio Joe。

孤陋寡聞既筆者第一個反應係，有無搞錯地方呀？Kyoto Joe我去過好幾次，Tokio Joe直頭未聽過喎！

好在，呢個朋友一向了解筆者既無知，沒有因而恥笑我。

餐廳剛出了新Menu，其中包括了Rock & Roll Combo，概括而言，既有新菜色，同時亦保留了一些經典，一於向這個餐牌進發吧～

       

先整個蕃茄打開胃口，清甜多汁的蕃茄，簡單配以黑醋，自然清新又醒胃，有時做事真的不用太花巧的。

接著是吞拿魚沙律，睇相片或許是看不出來，因為吞拿魚已被滿滿的沙律菜覆蓋著。Tuna的新鮮程度無容置疑，鋪面的沙律菜蔬爽口，根本不用太多dressing去作點綴。

辣吞拿魚茸，我曾在同系的Kyoto Joe嚐過。香辣的味道幾合心，柔軟的吞拿魚茸混入脆米，豐富了層次。

主角的Rock & Roll終於登場，是六款，合共十二件的卷物，主要是以吞拿魚及三文魚為主角，再作出變化。香辣的吞拿魚茸再度出場，但今次是以炸過的脆飯糰來取締生菜。米飯包裹著三文魚天婦羅，是我首次見識的創意產物。叫Rainbow的一款係以牛油果、蟹柳及玉子等作餡料，上面再鋪上吞拿魚或三文魚。看上去最柔軟的一件，係以青瓜包裹住吞拿魚刺身及牛油果，有趣。

年紀大了，還是要有點熱食才舒服，烤海鱸魚其實蠻肥美的，然而麵豉醬及蛋黃醬下得太兇，那股甜味有些少喧賓奪主的感覺。

看似沒太多的食物，但其實幾飽肚，或者係我哋眼寬肚窄。

餐廳資料:
Tokio Joe
中環蘭桂坊16號
25251889