2019年5月6日 星期一

鼎 · 會館 - 「鼎」級經典



食物:$$$1/2
環境:$$$$
服務:$$$$

不論你有無睇電視,相信都會知道鼎爺有個節目教煮餸,而且大獲好評,成為大台最高收視的節目之一。

既然咁受歡迎,當然要食住個勢,正式進軍飲食界。先有銅鑼灣的鼎爺私房菜,再來就是中環的鼎 · 會館。

有別於私房菜,鼎 · 會館既有套餐,亦可散點,來得更有彈性,菜色皆是由鼎爺設計。
      


素來慢人九拍既筆者,這夜終於來到品嚐鼎爺設計的菜色。


先每人整盅湯,是矜貴的松茸螺頭燉鮑魚。打開盅蓋,撲鼻而來既香氣告訴我呢盅湯一定掂。原隻鮑魚口感軟腍,湯內還有不少螺頭,以及松茸,非常足料,喝起來自然甜美。


席上有朋友鍾愛吃魚,老早預訂了一尾雙椒蒸東星斑。還以為是湖南名菜雙色魚頭之類的做法,原來鼎爺用上了白胡椒和柳椒,辛辣與麻香,結果火侯拿捏恰到好處的東星,有意思。


我全晚最欣賞的,就是桂花蟹肉炒瑤柱,看似平平無奇的一道菜色,其實最考功夫。這裡的炒得十足香口和乾身,每口皆是雞香與蟹肉的鮮美,平凡中見真章,佩服。


作為食肉獸,始終要有大啖肉才滿足,所以點來一道蔥香梅菜皇燜和牛筋條。其實我首先是被餐具吸引住,真想擁有一套。


用筷子挾開,已感受到和牛的鬆化。吃起來固然是軟腍入味,連埋京蔥和甜梅菜齊放入口,味道很有層次,食肉獸既我表示喜歡!


單尾的乾炒牛河,牛河條條上晒色,沒有黏埋一舊舊,夠味亦不會吃至滿口是油。牛肉採用新鮮的肉眼,質感很讚。真不要看少一道乾炒牛河,坊間沒太多地方炒得有水準的。


再吞下兩筒菲林筒,即懷舊芝麻卷,肚滿又腸肥。


餐廳資料:
鼎 · 會館
中環皇后大道中80號H Queen's 23樓
23271398

6 則留言: