2019年5月24日 星期五

Bistro on the Mile - 東灜風味



食物:$$$1/2
環境:$$$$
服務:$$$1/2

自助餐的主題五花八門,不過最穩陣的,大概就是以和風為主打,香港人對日本嘢始終情有獨鍾。

所以,今期Holiday Inn做的東灜風味主題自助晚餐,人氣非常旺盛。
    


話知佢做咩主題,先飲盅燉湯,平日少湯水的我需要滋潤下。


平時食buffet,未必會"幫襯"刺身和壽司,既然今次是和風為主角,那就拿些刺身回來。三文魚、甜蝦、帶子、八爪魚等,配埋手磨的日式芥末,吃一點還是可以。


估唔到佢會有鰻魚丼,細細的一碗份量剛好,汁醬調校得也不錯。另外,日式蟹肉蒸蛋亦很滑溜。


熱食都滲透了東灜的元素,如有照燒魷魚筒、鹽燒鯖魚,大版燒、日式牛肉咖喱以及串燒蒜香雞等。


串燒方面,燒蝦最受大眾歡迎,香口好吃。


凡惠顧這主題的食客,每人可獲贈原隻清酒鮑魚,起碼是鮮嫩入口,唔係韌到要考大家牙力,蠻不錯的。


既然是日式主題,粉麵檔大可作個微調,變成有日式拉麵供應的,幾片叉燒都做得有板有眼。


淺嚐以上的東東,已經很飽足了,再吃些非東灜系的熱食,如蒸扇貝、炒龍蝦,同埋燒牛肉、火腿等,要跳去甜品環節了。


壓軸的甜品款式甚多,日系風格賣相比過往的更吸引。其中的綠茶歌劇蛋糕、綠茶芝士撻、芝麻紅豆卷等,我也只是在今趟的主題見到。

餐廳資料:
Bistro on the mile
尖沙咀彌敦道50號金域假日酒店1樓
23151118

2 則留言: