2019年4月15日 星期一

Harbour Grand Cafe - 環境舒適的自助餐



食物:$$$1/2
環境:$$$$
服務:$$$$

經常會食自助餐,但多半是留在九龍區吃,甚少光顧港島區的酒店,遑論是去到北角咁偏遠。

不過凡事總有例外,如是夜與幾位久未露面的朋友仔見面,便來了港島海逸君綽食Buffet

你知啦... 海逸酒店實在太多太容易混淆,去之前要再三與朋友確認,免得去錯地方。
    


凍海鮮選擇並不少,翡翠螺、青口、凍蝦、蟹腳等基本嘢固然有,龍蝦肉亦唔怕韌得像吃香口膠,麵包蟹很多羔吸引。生蠔有三個產地,愛大大隻的可揀美國蠔,另外法國及愛爾蘭也各有特色。


刺身也不是一般行貨,有海膽食,三文魚腩都好肥美,最驚喜是有牡丹蝦,吃一隻唔夠喉。


熱葷方面,中式的有不少是坊間自助餐較少見既菜色,譬如惹味的避風塘炒蟹,花功夫的盤龍鱔等,個人尤其喜歡後者,要『安哥』兩件。女士必不可錯過花膠鵝掌。


西式的,首推炸魚薯條。這道英式美食,香港很少地方做得好。


每位客人均有一盅佛跳牆,花膠鮑魚有齊晒,好足料。如果你是湯怪,一盅中湯唔夠喉,不妨試埋個西湯,是很濃郁的龍蝦湯。


胃納有限,循例吃兩件燒味,該要跳到甜品環節。


呢度既雪糕係用上Movenpick,質素不用多說。席上朋友對濃味的如朱古力口味情有獨鍾,而我偏喜歡清新的口味,如熱情果,及青檸雪葩等。


各式蛋糕、焦糖燉蛋、提拉米蘇、窩夫等,每樣吃一點,飽足而回。

E-shop優惠抵好多,自己click入去睇下啦~

餐廳資料:
Harbour Grand Cafe

3 則留言: