2019年4月16日 星期二

大松日 - 是夜,為藍鰭吞拿而來



食物:$$$1/2
環境:$$$$
服務:$$$$

九龍灣高銀金融國際中心,地點是有點隔涉,不過真正喜歡吃的人,從來不會嫌遠,皆因其四家餐廳,間間有水準,全都值得專程而來。

是夜,相約數位朋友,到其日本餐廳大松日,因為當晚有即劏蓋鰭吞拿。

準時七時三十分劏魚,食客們都預先找個有利位置,欣賞師傅表演,影相/拍片的統統準備就緒。
    


呢個藍鰭吞拿套餐都幾抵,每位只係$680,另加$180有四款清酒任飲,包括雪之茅舍純米吟釀、楯野川純米大吟釀、喜多屋純米大吟釀,以及百十郎赤面清酒。據在席的唎酒師朋友指,這幾款都是較為小眾,但十分有質素的好酒。


劏咁大條藍鰭吞拿真不是易事,我在別處親眼見過有師傅搞到『捩咁棄』。不過呢度有三位資深師傅解魚,加上團隊的努力,很快便有好嘢送上。吞拿魚薄切,幾件油脂分佈程度不同的赤身,加件拖羅,令這碟薄片來得更有層次。旁邊的車厘茄清甜多汁,不容錯失。


薄切之後就是厚切,拖羅的油脂豐盈,入口溶化的感覺,妙不可言。


之後是汁煮吞拿魚臉頰,微甜的汁醬跟鬆化的口感,有驚喜!清甜無渣又夠腍身的大根,也絕不是茄厘啡。


萬料不到這個吞拿魚餐竟會有春卷既出現,塞得滿滿的碎吞拿魚腩,以非常鬆脆的外皮包裹著,口感很討好,而且毫無油膩既感覺。


湯品與及米飯也要上場,由於真的太飽,只可淺嚐幾口香蔥吞拿魚清湯。米飯實在好吃,連埋醬油漬的吞拿魚片,我好喜歡。


結尾的甜品,是蕨餅。不要以為外表平平就看輕它,其實水準是蠻不錯的。

不想吃套餐的朋友,筆者極力推介香蔥碎吞拿魚腩飯,超好吃的說,卻只是$98,有點不可思議。當然,會是限量供應。

餐廳資料:
大松日
九龍灣啓祥道17號高銀金融國際中心2樓
31882760

4 則留言: