食物:$$$$
環境:$$$$
服務:$$$$
喜歡吃西班牙菜,然而早十年八年前,香港的西班牙餐館著實不多,吸引到我的,來來去去那幾家,其中Catalunya更已結業。
近年好像多了些新餐廳,但水準參差,始終沒多少間能令我傾心。
選來選去,還是揀回Fofo
by el Willy,呢間餐廳係中環屹立到咁耐,認真巴閉。
一開始,就是表演時間,因為我們點的是伊比利亞火腿脆忌廉球。
師傅以火熗將炸忌廉球變得更加香脆,再以軟熟咸香的Iberico
Ham包裹著,幾重口感,真不賴。
接著來,是海鮮沙律。其實就是以墨汁打造而成的脆片,連同各式各樣的海鮮同吃,很清爽。
繼續是生冷嘢,牛肉他他。脆片之上放上鮮嫩的生牛肉,感覺跟剛才的海鮮沙律有幾分相似。
再有蒜片大蝦。印象中,對上一次來也有吃這道。說到底也是Tapas的必點食物之一。
作為食肉獸,點都要有點肉到肚才覺飽足,一於要西班牙烤豬。皮脆而肉質鬆化,滿足。墊底的青椒,以及薯仔,固然不是茄厘啡,要徹底清掉。
三心兩意,舉棋不定,不如要個甜品拼盤,大家分享仲好。經典的鬼佬油炸鬼,『脆皮雪條』,皆是令人開心的項目。
食左,走上樓上的Roof Terrace飲杯嘢、吹吹風,爽皮!
這裡,仍然是本地西班牙餐館的三甲之列,個人認為。
餐廳資料:
Fofo by el Willy
中環威靈頓街2-8號威靈頓廣場M88 20樓
29002009
牛肉他他好似幾正咁喎!呢餐無食paella嘅?
回覆刪除食唔落了...
刪除火腿脆忌廉球挺吸引!
回覆刪除幾好~
刪除雖然Catalunya真係好隔涉,但又真係好鍾意佢的氣氛同食物.....
回覆刪除我好中意架~
刪除