食物:$$$1/2
環境:$$$$
服務:$$$
很感恩,這個週末,天氣不像天文台預期的差,沒有下雨。戶外活動後,來了西村吃午餐。
我知道,今天的西村早已不是十多年前的西村。不過,我又不是專業食家,食嘢又唔使咁固執,飯腳很多時更為重要,咸魚白菜也可以好好味。難道西村師傅不在,我便不可再來嗎?
午市定食兩舊幾水有交易,食到和牛鐵板燒都係五百幾,收費唔算驚人。
有想過吃鐵板牛肉,考慮到對方不吃牛,為使大家可以分甘同味試多啲嘢,決定要個銀鱈魚定食。而另一份就是蒸鰻魚飯。定食會跟上味噌湯、烏冬及茶碗蒸等。
這裡的味噌湯還好,我在別處試過不少次喝到些嗆喉的劣質出品。茶碗蒸只勝在熱度足,但未到最佳水準。
熱呼呼的木魚湯底,來得清鮮,令煙韌的烏冬分數有所提升。
銀鱈魚的肉質是意料中的嫩滑,油份充斥口腔,自行沾適量的沙律醬,很好下飯,兩三下手勢便可清掉整碗軟熟的日本米飯。旁邊的椰菜絲,有醋去作調味,變得好吃。
試了半塊鰻魚,調味是可以,卻有欠彈牙的質感,以及有點細骨,我覺得可有更高要求。
餐後贈送的和菓子,我未懂欣賞,寧願俾杯咖啡我仲好!
以前定食唔係有跟咖啡架咩?
唔緊要啦...
之後行下商場,去Sugarfina食杯雪糕補番?!
餐廳資料:
西村日本料理
鰻魚食到太多細骨嘅話,食都食得唔過癮。
回覆刪除先旨聲明不吃牛的對方不是我喔!
回覆刪除Hahahaa!!! XD
刪除妖!你使唔使咁驚呀
刪除