食物:$$$1/2
環境:$$$$
服務:$$$1/2
未致於滴酒不沾,但不愛喝酒的筆者,對蘭桂芳這個地方並沒有太大親切感,只是一年會有三幾次在附近的餐廳用膳。
日本料理Fumi,大概是我來得最頻繁的一間。
是晚再來,皆因有朋友報料,話餐廳星期四有即劏藍鰭吞拿表演,當然也有一系列的藍鰭吞拿菜色啦!
這夜的一條,是重約52kg,可持續發展的養殖藍鰭吞拿。
相機食先既年代,當師傅開始表演劏魚時,全場的食客也走出來,用手機/相機影個夠。
我們品嚐的,正是原條藍鰭吞拿魚套餐,由頭到尾
(除左甜品)都是魚魚魚魚魚。
第一道的吞拿魚伴日本山芋蓉,三片爽口的赤身,與混入了牛油果的山芋蓉大玩纏綿遊戲,你喜歡那種涼拌但又煙韌,像芝士拉絲的口感嗎?
纏綿遊戲過後,為何能捨得放手,因為第二道就是我期待的刺身拼盤。赤身、腹中,以及大拖羅。有人喜愛結實而魚味濃的赤身,有的對油份滿瀉的大拖羅愛不釋手。愛甘香卻又吃不了太油的朋友,大讚腹中的位置。總之,各有支持者,無須爭辯。
吉列吞拿魚我倒是首次品嚐。外脆而內裡嫩口有汁的成品,配上醒胃的他他醬,又唔錯喎!
接著來,師傅將意式Cappaccio的概念引進來,以赤身來作嚐試,有趣!
第五道是汁煮吞拿魚,用上大筋位,其口感正好配合到汁煮攸法,我喜歡。
以為七道菜不太多,原來油香豐盛的吞拿魚是很飽肚,再來的吞拿魚腩蓉丼雖然很鮮味很吸引,但以我既食力,只能吃下小半碗。
甜品可選生果或者雪糕,太飽既我,還是挑草莓及麒麟果好了。
至到三月尾,逢星期四都有這個即劏藍鰭吞拿表演,仲有清酒試飲喎!
餐廳資料:
FUMI
中環德己立街30-32號加州大廈6樓
23283302
我以為日本菜份量已經相對地少,無咁快就飽添。:)
回覆刪除咁你就俾佢呃左了~
刪除睇Menu都估唔到會咁飽,其實幾抵食!
回覆刪除係抵既~
刪除真係飽到飯都食唔落!
回覆刪除M2
刪除