順景餐廳 - 為的是杯靚奶茶

食物：$$$1/2

環境：$$$1/2

服務：$$$1/2

每隔一段時間，便會有人問我那裡有好奶茶推介。

曾經有一年在大角咀上班，當年最喜歡獨自去順景食晏，除左因為距寫字樓較遠，無熟人打擾外，為的是一杯靚奶茶。

好陣子沒有經過，這天心血來潮來飲杯茶，見順景門面光鮮左好多。杞人憂天的筆者，正擔心食物質素會否走樣。

    

點餐後，店員奉上例湯。不論是什麼湯，總夠足料，不會是淡而無味的例水，亦不是味精掛帥的貨色，今次都保持到。

有些人以為我唔係貴嘢唔放入口，其實我既comfort food向來就是平民嘢，餐蛋飯是其一。是日吃的豐富點，餐腿蛋飯。一時間忘了叫太陽蛋，不打緊。破穿蛋黃來撈飯，加埋豉油，點都好食。圓碌碌餐肉至少唔怕凍冰冰，火腿亦然。

奶茶仍是香濃細滑，已可以不放糖的我，也沒有覺得太苦澀。在我心目中，是本地五大奶茶之一。

忽然想食蛋撻，又點一件，這裡的出品是曲奇皮。只怪自己在不對的時候叫蛋撻，凍冰冰，好難食。

Timing，確實相當重要～

餐廳資料:

順景餐廳

大角咀福全街56號地下

23925554