2019年2月12日 星期二

怡東軒 - 臨別,開年飯~



食物:$$$$
環境:$$$$
服務:$$$1/2

每年都要傷腦筋初二去那裡吃開年飯,不過今年簡單得多,目標直指銅鑼灣的怡東軒,皆因再唔食就無得食。

或許好多朋友已經知道,怡東酒店三月底便會結束,所以大家均把握機會去見佢最後一面,緬懷一番。高朋滿座乃意料中事,遲些訂位都要吃閉門羹。

我哋,早兩星期打去,成功訂枱。
    


飲茶食叉燒,不知何時已成為了指定動作。今趟來個叉燒燒腩仔雙拼,好事成雙。

我沒留意價錢,但份量是比我預期中少。叉燒是梅頭,入口鬆化,帶點蜜味,若能有少許燶邊就更好。燒腩仔皮脆肉香,肥瘦有致,沾些少芥末,味道更上一層樓。


沒點廚房嘢,接下來全是點心。盆栽小蘿蔔,真身是咸水角,只是做成像盆栽一般,呃Like輕易得多。外皮鬆脆,內餡充滿雞粒與蝦干,食味不比賣相遜色。


雙生金魚餃伴鮑魚燒賣,位上的,大概是必點的項目,我當然不是第一次吃!兩尾栩栩如生的金角,黑色魚眼的是松露素菜餃,另一條即蝦餃。蝦餃爽身,但個人更欣賞素菜餃,口感豐富些。至於鮑魚燒賣,頂頭的鮑魚軟腍入味,飽滿的燒賣味道亦不俗。


再來雞縱菌蟹肉腸,腸粉皮算不上很薄很滑,蟹肉成份亦唔多,餡料以雞縱菌作主導。


老媽子要了隻蒜香帶子餃,我沒試,但賣相是頗有氣勢,據聞水準可以。


甜品來客俗稱『菲林筒』的芝麻卷,包得緊緻唔易散,味道尚算濃香,合格以上分數。


這次,應該是最後一次到訪怡東軒了,如無意外的話~

餐廳資料:
怡東軒


4 則留言: