炯記餐室 - 難兄難弟

食物：$$$

環境：$$$1/2

服務：$$$1/2

與棋哥關係密切的炯記，以手撕雞拌鵝油撈麵馳名，剛開業時我曾試過，給了一個讚～

隨住棋哥水準每況愈下，烔記的質素能否保持住？我有點懷疑，趁這晚要食自己，一來探過究竟。

晚上七點多，店子仍有唔少位，似乎唔多對路，唔通真係好既唔靈醜既靈？

    

點了個鴛鴦手撕雞撈粗，加四蚊可轉餐，即有蔥花湯以及熱飲，何樂而不為？可是，那蔥花湯完全是味精掛帥的出品，喝兩口便要放棄，否則晚上肯定口渴死。

所謂鴛鴦手撕雞，就是原味與麻辣雙拼。只是，兩者都很韌，相比之下，麻辣味要好一點，辣勁夠，惹味些。

撈粗比較好一點，雖然鵝油香己不及全盛時期的炯記，至少唔會有陣陣鹼水味。需知撈粗麵真係好容易出事的。

熱奶茶，反而是最對口味的東西，OMG！

總結，就是與棋哥難兄難弟，齊齊退步。

餐廳資料:
炯記餐室
荃灣沙咀道209號地舖
37047667