2018年12月2日 星期日

Cordis Hotel - 聖誕嘉年華



據聞,Langham Group的聖誕爬地,會是由康得思酒店與朗廷酒店梅花間竹作主場,大搞熱鬧又美妙的活動,讓大家盡興而歸。

還記得去年朗廷Bostonian的派對,那餐廳的格局與聖誕根本就是perfect match,加上悉心的佈置與安排,實在正到一個點。

今年則輪到Cordis擔任主人家,以嘉年華為主題,自然又是勁多嘢食、好多嘢玩的一晚。
    


精彩的樂隊表演與及一系列的小遊戲當然少不了,筆者玩扑鎚仔與掟圈圈入汽水樽,都贏到小獎品(其實係咪都有的),哈哈~


為食既我,更關注的向來就是有咩好西食。即開生蠔隻隻飽滿且鮮甜,一口氣吞下了三隻。


人家的聖誕派對,多是燒牛肉同埋火雞,頂多加埋金門火腿,呢度既然發現原隻燒豬,我這兩個月與豬朋友太有緣。皮脆的燒豬,無論腩位抑或是豬頸肉,都是邪惡滿滿,想起都口水流滿地。


中式食品,我從來最愛片皮鴨,看師傅逐片逐片的弄出來,教我如何忍得住,不吃番兩件呢?水準唔錯喎!


3 Italiani的咖啡與雪糕,相信無人不曉,總之就係好好食。原來這品牌與Langham是很好的合作伙伴,是晚的嘉年華,大家都有得食到其雪糕,開心。四款口味,分別係朱古力、榛子、火龍果,以及芒果,全部都好味道係事實,要挑最中意的,我會投火龍果一票。


甜品除了講求味道之外,餅廚亦精心做出了切合嘉年華主題的賣相,抵讚!

美中不足,是仍然仍然抽唔到獎,繼續繼續企係後排俾心心。再次恭喜得獎的朋友!

活動場地:
Cordis Hotel

2 則留言: