2018年11月12日 星期一

LIS Cafe - 完美蟹逅



食物:$$$$
環境:$$$$
服務:$$$$

自十月開始,許多食肆都以橫行無忌的螃蟹來作主角,大閘蟹麵包蟹三點蟹紛紛出場,蟹氣爆燈。

以螃蟹為主題的酒店自助餐,如心南灣海景的LIS Cafe是其一。

以前覺得黃竹坑係無雷公咁遠既地方,打從港鐵南港島綫開通後,方便程度同出銅鑼灣差無幾,所以絕不介意一次又一次來吃大餐。
    


出去巡一圈,各式各樣的蟹呈現眼前。食蟹之前,吃些Cold Cut、沙律等作熱身,當然少不了我喜歡的日式冷麵。


凍海鮮既有蟹腳,又有鮮甜的三點蟹及花蟹,如果能多羔點就好了。香港人最受的,始終是生蠔。美國旌產地,不是一味靠大隻,水準蠻有驚喜。後生嗰時,食一打生蠔可以面不改容,家陣兩隻好了。


熱食的螃蟹菜色梗係多,意式茄茸來煮多羔的麵包蟹,我是首次品嚐;薑蔥三點蟹,中式做法實岩港人胃口;帶有泰式風情的九層塔咖喱肉蟹,十分惹味,吃得我津津有味。


香脆的炸蟹鉗,細個去飲嗰時已喜歡吃,見到呢度有,立馬拿幾隻回來跟大家分享。


平時食自助餐梗係唔會食粥,不過今次唔同,南瓜蟹粥,勁多蟹既成份,鮮甜無比。


叮叮噹,叮叮噹,聽到此聲響,就知道有特備的限時美食。花雕蛋白蒸蟹,蛋白滑,花雕香,加埋絲絲蟹肉,正!


每位客人仲會有一客焗蟹蓋,中式定西式,任君選擇,你估我會點揀呢?


只要夠疊馬,就有著數。因為凡十位惠顧,便會奉送巨型的斧頭扒。我在官塘和荃灣如心都試過,水準俱佳,是晚的也並不失禮,食肉獸表示歡喜。


縱然多飽,甜品是不能走漏,蛋白杏仁茶絕唔係開粉的九流貨色,蛋散沾上柚子蜜,香甜可口。


食埋色彩繽紛的閃電泡芙,同埋Movenpick雪糕後,飽得要整杯伯爵茶來消消滯。


餐廳資料:
LIS Cafe
香港仔黃竹坑道55號如心南灣海景酒店P3樓
39688833

8 則留言:

  1. Buffet食蟹嘅話都係香港人叻啲,呢度啲鬼佬buffet多數只有雪藏蟹腳,今朝食嘅仲係未解凍嘅皇帝蟹腳。^^"

    回覆刪除
    回覆
    1. 吓未解凍嘅皇帝蟹腳點食呀?

      刪除
    2. 有衣食嘅主子咪食到chop chop聲囉,我喺旁邊睇就好似睇緊人食刨冰咁。XD

      刪除