鄭榮記 - 志在杯奶茶

食物：$$$1/2

環境：$$$

服務：$$$$

早前朋友問我荃灣的奶茶推介，工廈食堂的冠荃固然是我既首選，而有線大樓旁邊大排檔的鄭榮記，亦在名單之列。

雖則大排檔有風扇，但炎炎夏日坐在這類地方，未必人人頂得順，除非你像我一樣咁唔怕熱。

踏入十一月，天氣開始有點微涼，係最好來歎茶的時機。有時候，我會來吃點東西，飲杯奶茶，然後才開工。

    

早餐選擇稱不上很豐富，都是公仔麵、三文治之類，仲有幾款點心。

唔想食麵既日子，來個糯米卷加牛肉雙拼，也好！前者除了糯米不黏牙之外，其實沒什麼過人之處，最弊係出品唔夠熱，大概是我到訪的時間不對。

像這類大排檔的牛肉，總不能期望太高，是童年回憶的口味，沾上喼汁，有番咁上下年紀的朋友自會明白。

都係果句，單論食物，呢度未必有驚喜，來是為了杯奶茶。

或者你可有另一策略：在隔離的大車吃東西，在鄭榮記喝奶茶/茶走，我間中都會咁做。

餐廳資料:

鄭榮記

荃灣柴灣角街柴灣角熟食市場地下30-31舖

24921173