Cobo House - 輕鬆過週末

食物：$$$1/2

環境：$$$$

服務：$$$$

來過數次Cobo House/ Artisan Room開餐，但僅限於晚上，從來沒感受過這裡下午的氣氛。

我覺得，這個充滿藝術性的地方，下午前來，即使只是飲杯嘢Hea吓，甚至坐室外，均已是很好的享受。

當餐廳新推出韓式Cha Chaan下午茶，我便有藉口拉埋好友嚟輕鬆下。

    

週末到訪，見有唔少食客帶上可愛的狗狗，在露天位置食cake歎咖啡，悠然自得。

這份下午茶，走西、韓風，而且有些食品的賣相好有童年回憶，有點似外甥女玩既煮飯仔feel，有趣～

Afternoon Tea，怎也要有Scone在陣才像樣。兩款口味的鬆餅，分別是原味以及伯爵茶味。兩者質感均是偏鬆脆，伯爵茶那款更加入了小紅莓以豐富層次。塗上輕盈的Clotted Cream和紅莓果醬，蠻不錯。

咸食款式唔少，三文治有兩個顏色，係蟹肉蟹籽，以及青瓜芝士。炸飯糰滿有韓國特色，炸得香脆不油。卷物同是兩種口味，菠菜車厘茄芝士卷，與及泡菜雞卷，個人較愛後者，帶點辣勁夠醒胃。然而，最合我口胃的咸點，絕對是鱈魚溶白泡菜多士，入口細滑，充斥魚香，好吃。

數款甜點，包括有注入韓式元素的人蔘布甸同埋脆米餅，亦有由馬卡龍造成的有趣小burger，仲有鬆軟的士多啤梨卷等。

最吸睛的，毫無疑問是煎蛋造型之芒果棉花糖，以乾冰帶出煙霧效果，令成件事更『真實』。

好友的Blueberry-Coconut Tea，端上桌時洋溢椰子香氣，而我還是忠於Earl Grey。

據知，這個週末下午茶，每天只提供10份，所以必須要預訂啦！

餐廳資料:
Cobo House
西環石塘咀南里8-12號地下及1樓
26563088