豚王 - 上岸了?!

食物：$$$

環境：$$$1/2

服務：$$$1/2

又一餐飲集團申請在創業板上市，正如我一位財經界友人笑說，幾乎有身份証都可以上GEM Board。

呢間正準備上市的餐飲集團，係豚王。

我唔太關心佢上市與否，反正我無錢買，只希望上市後出品唔好走樣。雖然，兩年前我吃過沙田店，已不像昔日要在中環排大隊時的那個水準。

趁佢仲未上市，趁荃灣分店新開業，毒食碗拉麵又如何？

   

或者剛剛開張，仍未有太多人知道，一條友等十分鐘便可入座。

豚王、黑王、赤王與翠王之間，不用點指兵兵，還是選回豚王。沒加錢要其他配料，或者飲品。

依慣常先呷啖湯，頗濃郁。不過吃至中後段，有點後勁不繼，以咸味為主導，與我第一次吃豚王時有明顯差別。

記得上次揀左肩肉作叉燒，太瘦真的不適合我。今次要腩肉，大半是肥，對好些人來講是吃不消，我卻是歡迎之至，但水準其實也很一般。

幼身之麵條，有咁硬要咁硬，才合我心水，呢度既麵條大致岩我口胃。

唔知典解，食下食下，好想飲罐可樂。

枝裝仲好～

餐廳資料:

豚王

荃灣大壩街4-30號荃灣廣場1樓115舖