2018年10月29日 星期一

譽泰燒鵝 - 何時,可以獎勵自己?



食物:$$$1/2
環境:$$$1/2
服務:$$$1/2

男人老狗開餐,茶記、車仔麵以外,燒味店也是常幫襯的。

以前久唔久會叫隻免切燒鵝髀來獎勵自己,不過近年鵝髀愈來愈貴,動輒過百,而且自己又做唔出咩好成績,再找不到理由去自我獎勵。

所以,依家去燒味店,多半是吃雙拼,偶一為之會點客四寶飯。
   


數月前,荃灣新開了間燒味店,叫譽泰燒鵝。姑勿論水準如何,總算多個選擇,唔使次次都食聯發。


重陽時節,燒鵝當造,特別肥美。這天的燒鵝乳豬飯,前者皮香肉不韌,肉味濃郁,合我心意。對許多人來說,乳豬大概是偏肥,但我是可以接受到,愈邪惡我愈要消滅佢。而且呢個乳豬皮燒得脆卜卜的。


至於叉燒燻蹄飯,叉燒反而偏瘦,幸而仍沒有好韌。不諱言,我從來搞不懂燻蹄怎樣才是好或不好。這碗的,皮爽肉亦不是硬轟轟,應該可以吧!沾埋燻蹄醋,好下飯。


對燒味店的凍檸茶,大概唔會有太大期望吧!


飛雲,有無機會幹番出好戲,可以再來獎勵自己,食燒鵝髀?

餐廳資料:
譽泰燒鵝

7 則留言:

  1. 燈光有D偏色,但乳豬仍然好邪惡又吸引呀!

    回覆刪除
  2. 撞鬼你一係黃唯咁咁、一係灰藍藍,我知就嚟萬聖節,要lam叉燒是嗎!!

    回覆刪除
  3. 乳豬燒鵝飯,呢度無得食呢!

    回覆刪除