食物:$$$1/2
環境:$$$1/2
服務:$$$
在佐敦工作完畢,本想去間Cafe靜靜食個Pasta,飲杯咖啡,享受下毒處時光。
只怪自己沒做功課,去到咖啡室門口,才驚覺人家準備打烊,原來只營業至七時,不做晚市。
咁,去那裡醫肚呢?忽然醒起,曾搭巴士經過見到的一間馬來茶室,峇峇娘惹,似乎幾吸引,一於前去。
裝修雖沒麥金麥金或者蘇媽蘇媽咁地道,總算有點馬拉茶室的影子,希望食物唔好令人失望。
在海南雞喇沙與魚丸喇沙之間掙扎,花了我足足三秒,決定要前者,純粹因為我海南雞癮起。
然而,當喇沙端上桌,除基本的魚片、豆卜和半隻蛋外,只幾件雞,令我有點兒後悔。還幸,雞件尚算嫩滑,魚片彈牙。
呷口湯,帶微甜有點椰香,但辣度十分溫和,似有還無,不是我杯茶。麵條是米粉加油麵的摻摻,挽回些少分數吧!
吃辣始終要有準備,以備不時之需,所以點了桔仔酸梅特飲。雖則喇沙沒半點辣,但杯嘢飲就幾對口胃。
若是魚丸喇沙,加個咖央多,價錢仲可以便宜少少,我錯了!
餐廳資料:
峇峇娘惹
原來香港食喇沙仲有得揀海南雞定魚丸,對我來說已經好幸福喔!
回覆刪除仲有好多選擇架, 好似食車仔麵咁~
刪除花了足足三秒,劉總就咁冇咗8位數字!!
回覆刪除小數點後...
刪除