Out of Cafe - 夢想中的彼岸為何還未到?

食物：$$$1/2

環境：$$$$

服務：$$$1/2

人在火炭，不如Whatsapp舊戰友，睇下夾唔夾到時間一齊食Lunch，順便收下料?!

好好彩，大忙人竟沒有會議，超難得的可以有一小時食晏，不過想搵個寧靜和見唔到熟人的地方，方便傾計。

有考慮過出車去大埔康樂園會所，但一句鐘實在太趕，還是留在火炭好了。

在Openrice找到了一間工廈內的咖啡室，叫Out of Cafe，不妨一試。

    

與其說是Cafe，倒不如說這裡家具陳列室，眼見有唔少梳化、茶几，以致一些小擺設發售。

基本上沒什麼食物選擇，咸食只有兩款口味的飛碟，甜的有窩夫及蛋糕，係咁多。我想大部份人上來，都是只飲杯咖啡，Hea下。

既然飛碟只得兩隻口味，就每人一款，大家些牙。兩種款式分別是吞拿魚，以及芝士火腿。

無乜技巧的東西，但即叫即做，夠香邊位夠脆，又好難會唔好食。個人較喜歡芝士火腿，有芝士始終是香口一點。

旁邊的沙律菜新鮮，車厘茄清甜多汁，再加埋半隻蛋，感覺健康。

成個月沒喝咖啡，今次就要杯拿鐵吧！擁有靚靚拉花，入口醇和，唔怕好似我條命咁苦，合心。

由頭到尾都見唔到一個客，簡直有無間道、在秘密地方交換情報feel。

『你要記住，當一個人好唔專心咁做緊一樣嘢，而佢又望住你既話，佢就係警察!』

其實，我成日都係咁樣目及女。:P

餐廳資料:
Out of Cafe
火炭坳背灣街30-32號華耀工業大廈1215室
28829116