2018年10月18日 星期四

常歡笑 - 難得一遇



食物:$$$1/2
環境:$$$$
服務:$$$1/2

人在中環,獨食翠華我覺得好悲慘,又唔會一支公去锯扒咁有個性,醒起老友提及過的常歡笑外賣店,倒不如前去試下。

是外賣為主打,不過都有數個面壁位,岩晒我呢一條友食完快快趣走頭的麻甩佬。

款式唔算超級多,不過好幾款東西都頗吸引,尤其是糖水,女士們看見應該會雙眼發光,男人老狗既我都表示欣賞。
    


感冒未清,唔敢食店長推介既海南雞飯,改要了蝦籽撈麵。其實只須加十元便可有隻鮑魚,但我沒這樣做。


蝦籽唔算勁滲拜,但幾香。麵條爽身彈牙,沒半點鹼水味,有水準。麵湯也來得很有盛意,不是一般貨色,醇和且有甘筍在內,很讚!


既然店家自稱係鮑魚專門店,一於試埋佢既鮑魚燒賣。逐粒計,好Flexible


企身又飽滿的燒賣,頂頭有隻小鮑魚,賣相討好。吃圯來甘香爽口,好味道,面頭的鮑魚亦軟腍入味,真想多要兩粒。


仍有兩聲咳,就要碗北海道牛乳燉花膠清潤下。既有大大片的花膠,又有桂圓及雪耳等,相當足料。牛乳果然香甜滑溜,花膠口感好,的確是養顏之選。

病癒後,要試埋佢既海南雞飯,祝我好運!


餐廳資料:
常歡笑


5 則留言: