2018年10月17日 星期三

倚窗閣 - 韓牛襲港



食物:$$$1/2
環境:$$$1/2
服務:$$$1/2

實不相瞞,雖然筆者經常去不同地方食自助餐,但九龍酒店的Buffet我卻從沒試過,你相信冇?

得知呢度做緊韓牛為主題,我這個食肉獸又怎會唔心動呢?!

想約多幾條友去食,但呢個又忙碌,嗰個又多飯局,日子改了又改,最終變成三人行。呢個小小的組合都幾好丫!我中意!
    


凍海鮮係一年三百六十五日都有供應的,那管是做什麼主題。凍蝦、翡翠螺、蟹腳及青口等基本嘢固然存在,還有鮮甜的三點蟹,坊間自助餐不是沒有見過,但係比較少。


即開生蠔有三款,分別嚟自法國、紐西蘭,以及澳洲。個人較喜歡法國的那種。


寧可略過粉麵檔,也總不會走漏一次Cold Cut與芝士,吃著咸香的火腿與莎樂美腸,各式軟硬濃淡的芝士配餅乾,我覺得是十分享受。


沒有邪惡的鵝肝,鴨肝我都會照殺,一件咁多,都幾好。


到了牛肉時間,其實除了韓牛外,還有來自五湖四海的牛,包括一口安格斯牛,以及加拿大的帶骨肉眼。


一口牛與牛扒,我梗係喜歡大大塊的多一點,切厚身啲丫唔該。


然而,主角始終是1++河東松葉韓牛,聽到叮叮聲記緊趕快出去排隊。很多時韓牛都會偏韌,不過這個來得十分鬆化,牛味濃郁,以自助餐去計,水準超班,忍不住要Encore


另一款『限時表演』,係燒乳豬配泡菜炒飯,脆卜卜的乳豬我一向抗拒唔到。


還有幾款食物我認為幾吸引,包括煎餃子、清酒鮑魚、牛肉千層麵,以及鹵豬脷等,值得一嚐。


吞下幾件壽司與刺身後,就可以向甜品進發。


眾多蛋糕之中,以芒果拿破崙最為誘人。再吃埋紫米露與豆腐花,大致滿足。但千萬不要錯過軟熟的pancake,喜歡的話加兩球雪糕仲不得了。


講到雪糕,呢度都係用Movenpick的。以Eshop折實四百六十來說,有生蠔有Movenpick雪糕,已經無咩好投訴!更甚,係呢個價錢仲會送埋精緻下午茶餐,我是否在造夢?


飲杯伯爵茶清醒下吧!

原來,我真係無發夢~~


餐廳資料:
倚窗閣
尖沙咀彌敦道19-21號九龍酒店2樓
27343803

7 則留言: