食物:$$$1/2
環境:$$$1/2
服務:$$$1/2
荃灣路德圍有間叫樓下冰室,長年累月都要排隊,因為貪近我吃過幾次,招牌的蕃茄湯通粉算係咁,當然不能與中環的勝香園相比。
以營商角度去睇,有時出品真係唔使做到超好味,就我只覺得『算係咁』既餐廳,已在熊貓酒店附近開了分店。
星期六既番完Church,近近地過來醫肚。
賣的東西跟總店大致相同,仍舊以蕃茄湯通/麵,以及瑞士雞髀/翼作主打。
鮮牛肉蕃茄湯通粉,牛肉發揮正常,雞蛋炒得嫩滑,蕃茄湯保持路德圍的水準,起碼酸味來得自然,沒過份造作。
另一客的冰室炒意粉,等了近廿分鐘才上桌。即炒出來熱呼呼,可是欠缺鑊氣。火腿、腸仔及雞絲等配料不少,以蕃茄味作主導,頗開胃。意粉幾軟身,很典型舊式茶記的炒意粉。
呷口熱檸茶,苦澀像人生,多放包糖去調劑一下吧!
店內擺放著的舊玩具,有些我都沒有玩過,証明我年紀都......哈哈哈~~
餐廳資料:
樓下冰室
荃灣荃華街16號荃薈商場地下G45-G54號舖
你一定係tamagotchi年代啦,呢啲你梗無玩過啦!XD
回覆刪除喂, 我真係有養過"他媽哥池"架! XDD
刪除可惜一次差過一次!
回覆刪除尤其開左分店~
刪除