食物:$$$1/2
環境:$$$$
服務:$$$$
阿妹生日,又有藉口去食好西!為左令外甥女都有啲啲嘢可以食,參與度高一點,吃自助餐是最佳選擇。
俾左幾個地方主角揀,最後決定來到玩味十足的Playt。
由以前傳統守舊的Cafe
One,搖身一變成為今天年輕又活力十足的Playt,改變可真不少。
筆者每次來吃均是夜晚,食lunch
buffet還是首次。印象中,晚上是有生蠔,但這個晏晝就發現不了生蠔的蹤影。我既第一round,就要些Cold
Cut、芝士以及凍龍蝦。
吃龍蝦,我始終覺得龍蝦鉗是比韌韌的蝦身吸引,鮮甜得多。
幾次晚上都因為太飽,已跳過了壽司刺身項目,今云幾歹要試下,吞拿、三文、醋鯖魚及八爪魚,統統唔放過。
海南雞也是我喜歡的東西,見有迷你雞飯,急不及待拿一碗。總算皮爽肉嫩,油飯都可以,不過論到海南雞飯,君悅真的是無與倫比。
呢度仲有中式點心,蝦餃燒賣糯米雞馬拉糕乜乜乜,以自助餐的水準來說,交到功課了。
還記得這兒的印度食品很不錯,皆因有印籍師傅坐鎮。即製的薄餅的確軟熟可口,烤蝦來得香口,Tandoori
Chicken勾起我在英國讀書時的回憶。其餘的咖喱和咖喱角,我也嚐了。
賓尼特蛋、焗豆、腸仔、煙肉和炸雞粒等,大概更適合來尋找英國生活的點滴,人老了就是會想當年。
粉麵檔的東西,同埋清清地既麵包,小朋友可以吃一點了。
甜品環節,木糠布甸,幾款蛋糕,師傅即製的班戟......
不要忘了自家製的雪糕。
雪糕繼續是六款口味,包括長期供應、屬招牌的茅台。其餘就是定期變換,是日有黑朱古力脆脆、白朱古力薰衣草、楊枝甘露、椰子青檸蜜糖,與及杏甫。
最後,飲壺伯爵茶,有助消滯!
食飽左,小朋友要Zzz
Zzz Zzzz....
餐廳資料:
PLAYT
銅鑼灣告士打道310號柏寧酒店1樓
28393311
人老了除咗鍾意想當年亦越來越吃不下凍海鮮添呀! ^^"
回覆刪除哈哈哈, 係呀!
刪除論到海南雞飯,君悅真的是無與倫比 -> 100%同意!
回覆刪除趁3歲前,快D帶小公主食多幾間buffet啦~~~~
努力食。。。
刪除Lunch也很多選擇!
回覆刪除算係咁~
刪除