Sky Lounge - 我，也愛吃下午茶的

食物：$$$$

環境：$$$$

服務：$$$$

又被人誤會了！

大家以為男人老狗既我不喜歡吃三層架下午茶，其實我對食Tea完全沒有抗拒，只是平日未必有時間跟各位一起歎茶而已。

喜來登酒店的Sky Lounge，坐擁美麗海景，筆者從沒到訪過，趁尚有假期，捉埋老友們來享受下。

   

一如既往，酒店與其他品牌合作推出下午茶，今次是與法國經典水晶及香水品牌Lalique擕手推出新出品。同時，據知酒店剛轉了新糕餅總廚，又試試佢既手勢係咪岩我口味先～

下午茶會跟PJ香檳，咖啡或茶，但我不想喝酒，假日亦無須以咖啡提神，轉了要杯以芒果及熱情果為主調的Mocktail，感覺更加清新自在。

咸甜點以外，Scone也是酒店下午茶的必備項目。這件英式鬆餅來得鬆脆，塗上Clotted Cream以及果醬，很是美味，差點想多吃一個。

從無懷疑各式咸甜食物的賣相，出來果然沒令人失望，即使咸食外觀也討好。炎炎天熱，煙三文魚三文治清新，龍蝦紅菜頭三文治亦然。咖喱蟹肉撻，惹味之餘亦不怕過份濃郁。仲有咸香鬆脆的火腿波，同埋我最欣賞的鵝肝餅，咸點是比我預期之中更出色。

幾款甜品均是以粉色為主調，這個顏色令我以為會很甜很膩，事實又不是那樣。各式甜點清新不過甜，杏仁白朱古力結合桃撻，以及白色的蒙布朗也合我心水，各類果香跟巧克力香更徹合香水既主題。

唔知幾時才再有時間歎下午茶呢？

餐廳資料:

Sky Lounge

尖沙咀彌敦道20號香港喜來登酒店18樓

23691111