2018年8月13日 星期一

新店速遞: Cherry Tokyo Cafe - 簡約西日風



食物:$$$1/2
環境:$$$1/2
服務:$$$1/2

愉景新城,近年被新世界接手打理後,銳意將其改成親子商場(以前都親親地),地下繼續有不少賣童裝的店鋪,公眾地方變為兒童遊樂園,而且仲開左間玩童影院。

餐廳配套自然要跟得上,地下那層開設了不少特色的日本料理,以迎合家陣啲年輕爸媽口味。

把握到暑假旺季開的一間,Cherry Tokyo Cafe,乃走西日式路線的Cafe,近排好似幾流行呢類餐廳。
   


反正無乜心水,即管入去試下新嘢,不期望有咩驚喜,但求沒有驚嚇,在荃灣已吃到麻木的我這樣想。


午餐有跟蒜茸包和餐湯,長條型的蒜茸包,咬落鬆脆,蒜泥香氣稱不上很剛烈。 是日餐湯為南瓜湯,濃稠度合適,卻有點過甜。


兩份主食些牙,其中之一有日式咖喱黑豚飯。吉列做到鬆脆,豬扒肉質鬆化,日式咖喱汁微微帶辣,但偏咸,可以平衡得好一些,米飯更是未盡人意。


菠菜龍脷柳焗飯,出來熱度當然十足,賣相唔錯,吃起來夠香,感覺也不怕太膩,比剛才的咖喱飯優勝。


鮮奶咖啡擁有漂亮的拉花,味道也合我心意,實在令人鼓舞!下次可試佢既特色咖啡~

始終新開業不久,運作有欠Smooth乃人之常情,給它一點時間去調節吧,應該不難做好。


餐廳資料:
Cherry Tokyo Cafe

6 則留言: