2018年8月20日 星期一

瘋狂小面 - 唔介意偶爾瘋狂下



食物:$$$1/2
環境:$$$$
服務:$$$$

人家Happy Hour去飲酒,我哋屬健康一派,喝水果茶,仲要係可愛到極既Flamingo Bloom

兩杯到肚,雖沒酒精,卻相當滿足。有人之後要搵餐廳食飯祭五臟廟,我就幾歹2仔底死跟。

有幾粒雨,費事行咁遠,放棄原本打算吃的Little Bao,在附近的瘋狂小麵搞掂便算,吃辣我倒是沒問題。
    


話雖已飲了兩大杯果茶,不過食辣,都係有罐可樂以備不時之需,會穩陣啲。


每人先挑一款麵,大家些牙食。酸菜肚尖麵,係不辣之選。飲啖湯,遠比預期中出色,豬肚來得爽脆,麵條爽口,蠻有水準。硬要挑剔的話,只是酸菜可以再出味一點,但呢碗都其實已交足功課。


另一碗是麻辣肥腸麵,首次來唔知佢尺度,要小麻與小辣好了,我唔想食到口水鼻涕直標。肥腸還好,至少沒異味。麵條跟剛才的一碗是相同貨源,無須長氣。吃起來辣勁不弱,麻香迷人,對我而言是剛好。


小食是棒棒雞,麻辣度同樣不少,但老友不愛雞肉切片,大概是口感上的分野。


川點有鐘水餃,看其包法是正宗的,吃起來辣中滲出微甜,乃正宗的出品,說實在,真的很久沒嚐過好的鐘水餃了。


非常的飽,我放棄了甜品,對方就堅持來碗四川冰粉。又是一記正宗的出品,質感細滑,有助解辣。


餐牌中仲有個瘋狂缽缽雞,不過二人份量乃係六十串,我倆無可能食得完,留待下次吧~

咪話我唔提大家,呢度只收現金,費事你哋帶唔夠錢要入廚房洗碗 XD

餐廳資料:
瘋狂小面

5 則留言: