AMMO - 童心未泯

食物：$$$

環境：$$$$

服務：$$$1/2

有人以為，男人老狗既我，係唔會中意食下午茶，尤其是酒店或高級餐廳的High Tea，那就大錯特錯。

所以，朋友話有下午茶小局，問我有無興趣，我毫不猶豫便答應出席。

地點是型格的Ammo，筆者約半年前食過佢與某化妝品牌合作的Tea Set，覺得可以的，今次唔知佢又會搞咩花臣？

   

萬料不及，呢所咁有型有格的餐廳，今期主題係可愛的B.Duck環遊世界。兩個截然不同的路線，能擦出火花嗎？

     

一如以往，喝茶的先揀茶葉，個人近期竟多喝了伯爵茶，人真是會變的。

三人的下午茶端出來，坦白說，份量是比較少，唯勝在每款食物都有不同國家的特色，樣樣嚐一點，讓味蕾遊走全世界。

我食嘢，向來無話一定要先咸後甜，咸咸甜甜咸，甜咸咸甜，撈亂晒都無所謂。尤其是韓國代表的迷你士多啤梨雪糕，好快溶，大熱天時先冰涼一下，未為不可。

唔怕話你知，當日我只吃了早餐，所以急不及待整件Scone頂肚，簡單配Clotted Cream與果醬，不搞其他花樣。個人認為，一定要有英式鬆餅，才像吃下午茶的。

中式嘢係咸點，春卷是也。趁熱食起碼脆口，醮上酸酸辣辣的汁醬，可算開胃。

不看Menu，也想唔到呢個類似沙翁的物體，原來係星洲佳麗。總之口感就是平常吃慣的沙翁，但內餡就是甘蔗蓉，有趣。

漢堡唔使問都係美國代表，迷你版本，可是牛肉太乾。墨西哥之選又是有牛肉成份，係牛Taco，香脆帶微辣，我更喜歡。

甜品方面，歐亞大比拼，亞洲區以日本的抹茶提拉米蘇作賽，歐洲區則以馬卡龍應戰，一向不太好抹茶既筆者，會挑Macaron囉~

食呢份下午茶之餘，仲可以係呢個前軍火庫的好地方搵鴨，集齊十隻有獎。可惜，我哋找來找去只發現九隻的蹤影。

英國嗰隻，係咪去左賣倫敦金呀？！

餐廳資料:

AMMO

金鐘正義道9號亞洲協會香港中心低層

25379888