車品品小食 - 多少年

食物：$$$1/2

環境：$$$1/2

服務：$$$$

曾幾何時，筆者是車品品的粉絲，每個星期至少到惠顧一次，大什麵、魯肉餃、八喜撈、吉品及鵝肝撈、五十年陳皮紅豆沙等名物，統統試過晒。

隨著佢營業時間愈來愈飄忽，加上永遠都是長長的人龍，我已有幾年沒有到訪過。

某個晚上，再度經過，竟見仍有開門，而且唔需要等位，毫不猶豫推門進去。

    

經歷時代既洗禮，餐牌已殘破不堪，小本經營就是這樣。

不過，小店從來不等於便宜，一個人來食餐麵，閒閒地百幾蚊落樓。

然而，呢度收得咁既價錢，仲長期有大把人排隊等食，定必有其過人之處。

負責出品把關的，仍然是老臣子『高佬』，只見她一如以往埋頭苦幹地工作，沒有半句廢話。

是晚胃口欠佳，只點了份魯肉餃撈麵，加多杯嘢飲，慢慢等食。

魯肉餃味道依舊，但明顯是淥得過腍了，可能是高佬一人要兼顧太多，影響了水準。

撈麵麵質爽口，還有滿滿的蝦籽，還好！

今時今日的小朋友，仲知唔知咩嘢叫『金牛』呢？

餐廳資料:
車品品小食
大角咀埃華街92號地下
21809655