298 Nikuya Kitchen - 如果沒有牛，日子怎麼過？

食物：$$$$

環境：$$$$

服務：$$$$

呢期忽然好想食日本嘢，壽司又好，日本燒肉也好，Sukiyaki都得，是受到近期一系列的和風自助餐感染了嗎？

這天與村姑朋友食午飯，佢叫我諗地方，那就好了，俾三間日本餐廳過佢揀，睇佢鐘意吃什麼。

結果，有點出人意表，佢選擇了去298 Niyuya Kitchen，食日本燒肉。（我估佢會食壽司）

    

叫一客午餐，另加兩份散點的牛肉，大家開心些牙，已經好豐富。

午餐還有跟漬物、沙律、白飯、湯和汽水，百五蚊既價錢，好合理。漬物其實唔錯，牛脷軟腍，豆腐有幾分似五香肉丁的汁醬，有趣。

三款肉，午餐的那份是牛小排，輕輕燒兩邊便可，這油脂比較多，很Juicy，入口柔軟，配上圓潤軟熟的米飯，Oishi！

另一份是我倆也指明要吃的牛舌，長而薄身的牛脷，雖不是厚切，口感仍不錯，夠爽脆。

還有一份，係是日推介，牛腿肉。近大腿部位活動多，所以肉質較結實，加上是厚切，所以如你是喜歡燒得香又有咬口的，這份牛岩晒你。

飲埋罐可樂，認真爽！正如店家的Slogan，NO BEEF NO LIFE!

意猶未盡，再齊齊去飲咖啡，講政事，談美食，傾到世界末日為止。

約定，下次吃壽司，或者壽喜燒。

餐廳資料:
298 Nikuya Kitchen
尖沙咀金馬倫道48號中國保險大廈3樓
27992818