2018年5月15日 星期二

雀盟會 - 六嬸...三太公...都可以來烚烚下



食物:$$$1/2
環境:$$$
服務:$$$1/2

雀盟會,我一心以為是打雀局,和有些劣食小菜,甚或是有枱波打的地方,好似皇雀會嗰類。打牌打到天昏地暗,誰管你食物美味與否,食糊最緊要。更無法想像,呢度會有得打邊爐。
    


整個星期下雨,氣溫帶點微涼,地膽朋友帶我來吃火鍋,也算是妥當的安排。開個麻辣及清湯的鴛鴦鍋,混好醬,可以起動。


家陣既本地手切牛,總及不上以往的牛味濃,這裡的已算不俗。只是,麻辣湯底唔夠香和辣。兩個食肉獸,一片駁一片吃不停口,例牌的本地牛瞬間被殲滅。

要我們清掉其他食物,或許是不可能的任務,但要消滅打邊爐既肥牛,則不是太過困難。


對於被寵壞的香港人,今時今日,蝦丸墨丸鯪魚丸乜乜乜,咩丸都要手打,否則俾人破口大罵都有之。


韭菜餃包得好靚仔,吃起來皮薄又有韭菜香,好有水準,不過眼潤肚窄的我倆,花盡九牛二虎之力,也無法全數吃光,每人食到三隻其實已好厲害。

好彩,師傅話蓮藕片唔靚,無俾我哋。


臨尾有糖水送,是晚係芝麻糊,意料之外的香濃,飽到上心口都吞下了半碗。

有無人八圈開唔到糊,要來食碗芝麻糊?


餐廳資料:
雀盟會
21112441

6 則留言: