The Place - 盡情狂歡吧!

食物：$$$1/2

環境：$$$$

服務：$$$$

是的，是第N次來康得思酒店食自助餐，全因地點太方便，是約朋友聚頭的不二之選。

每次來，均有新主題，今云亦不例外，是美國新奧爾良狂歡自助餐。

即係呢，會有化妝舞會，又有彩車巡遊，總之是盛裝打扮，睇見酒店的裝飾佈置，我已悄悄地感受到那歡樂氣氛。

    

在吃充滿當地色彩的美食前，依舊先食少少凍海鮮，龍蝦鉗、蟹腳、青口，以及即開生蠔等，食過九百萬次，不再長氣，唯一有點不同，今次既生蠔，是來自加拿大，我吞了三隻。

熱食的龍蝦及焗蠔，都是滿載路易斯風味的芝士煙肉，或者芝士磨菇焗，香氣撲鼻。美式甜辣雞翼，又是十分惹味，忍唔住要Encore。仲有鮮蝦燴飯也是很鮮甜，吸引。

呢度既湯又係唔講得笑，先是切合主題的海鮮燉湯，足料非常，甜美可口，其實看見煲內的海鮮，可知一二。

是日中式燉湯則是雪耳蘋果燉豬展，同樣地，每口盡是清甜，難免湯怪朋友Kan飲一碗唔夠喉。

可惜的是，每次我來必吃的香煎鵝肝消失了，取而化之是一口和牛，雖然我都是半個牛魔，但無左鵝肝，總有點失落。同埋，一口和牛來得有丁點韌。

壽司雖與新奧爾良無乜關係，不過吃幾件也無妨。

甜品環節，大家還記得幾可亂真的鮑魚海參煲蛋糕嗎？今次既出品，就不是扮鬼扮馬的，反而有點返璞歸真的巧克力千層蛋糕，以及國王蛋糕等。另外，還有窩夫和香蕉班戟等，甜胃大滿足。

狂歡一夜，將壓力暫時踢走吧～

餐廳資料:
The Place
旺角上海街555號香港康得思酒店L樓層
35523028