2018年4月3日 星期二

海外篇:Suffolk House - 格調



食物:$$$1/2
環境:$$$$1/2
服務:$$$1/2

去檳城,都唔係一定齋食平嘢既,留一餐半餐吃Fine Dining,更全面了解下當地既餐飲水準,是我的習慣。

之前介紹過像香港半島一般的32 at the Mansion可按此重溫),今次就到訪另一間,地點比較偏遠的Suffolk House,兩者其實也屬同一集團。

論環境,Suffolk House絕不比32 at the Mansion遜色,感覺好有英國傳統果種Elegance,筆者作為英國的忠粉,自當愛上這兒。
    


外觀夠高貴之餘,室內環境亦十分不錯。農曆新年之時,餐廳排上大紅燈籠作點綴,馬來西亞這地方對過年的重視程度,比香港高十倍。

如此級數的餐廳,Early Bird的三道菜晚餐,折合港紙唔使二百蚊/位,淨係食環境氣氛都抵番晒。


第一道菜,長碟放上新鮮的沙律,另一端則是蝦仔及魚茸,份外清新。


三個人,點選不同的主菜,大家些牙。或者講下海鱸魚,魚皮是煎得香和脆卜卜,魚肉保持嫩滑,沒太乾。以青豆茸來作汁醬,比較罕見,但出來的效果又比預期中要好。


另一款主菜,乃海鮮檻欖油意粉。大蝦、蜆肉及魷魚,份量不少,用料新鮮。意粉保持一定咬口,整體味道唔差,不過感覺是太過多水了。


我挑的,是羊肩。賣相幾討好,與我想像中有點不同。由於是慢煮形式,入口鬆化,羊羶味不重,汁醬伴薯蓉,其實更好。旁邊放上不少車厘茄,看上去有點柴皮,不過吃起來是多汁的。


再吃一杯充滿清新感覺的奶凍,晚餐就此完結。

由於是早鳥的優惠晚餐,是沒有跟上咖啡或茶的,而三道菜的晚餐,對於一些胃口較大的人來說,可能唔足夠。不過,二百蚊有找既價錢,仲想點?


呢度最麻煩既地方,係太偏僻,Call Uber離開也要等上一段時間才有車。


餐廳資料:
Suffolk House
250, Jalan Air Hitam, Georgetown, 10460 George Town, Penang
(60) 4-228 3930

6 則留言: