新輝茶座 - 人人都岩漿

食物：$$$1/2

環境：$$$1/2

服務：$$$1/2

近排學人加入臉書的飲食群組，既同人分享飲食經驗，又睇下各位谷友有咩好介紹，的確得到不少飲食資訊，尤其是小店。

看見谷友上載了一幅滑蛋叉燒蝦仁飯的照片，非常誘人，查明在那個地方後，誓要找機會一試。

說起滑蛋叉燒/ 蝦仁飯，自不然會想起大坑的順興，以及近期人氣店旺記冰室，甚至是已腿色的蛇竇。

呢間新輝茶座，到底是龍是鳳，真係要試左先講。

   

店子幾旺場，不過一條友來到，就好容易攝到個單丁位。看見幾乎人人都在吃岩漿炒蛋飯系列，差在是吃叉燒、蝦仁，定還是牛肉而已。

想了一會，鎖定岩漿炒蛋蝦仁飯，原來正是是日的午餐之一，連飲品四十二塊錢，慳左三蚊。

我的岩漿炒蛋蝦仁飯上桌，明顯沒枱搭枱）的岩漿炒蛋牛肉飯靚仔，算了吧，還是要吃。

炒蛋是滑，蝦仁是爽而無乜味道，這類茶記的蝦仁是咁的了，我接受。唔講得佢差，但人氣店旺記是比它好。或者，同桌的靚仔岩漿滑蛋牛肉飯又唔係咁計。

熱奶茶夠香濃，但可以更滑溜，可能是我太咀刁吧～

四十二蚊的平民享受，我喜歡！

下次，應該要試叉燒，同埋茶走，或會更滿足。

餐廳資料:

新輝茶座

元朗合財街36號順好樓D舖

26969901