Follow me on Instagram

2018年4月2日 星期一

入麵 - 請埋去入面



食物:$$$1/2
環境:$$$1/2
服務:$$$$

三月份,忙得不可開交,能夠Keep住日日出到文,我都覺得算係咁。

因為太忙,減少出席試食,多了自己一條友去小店覓食。

茶餐廳之外,多半是吃麵,冇話想見多邊個幾面,純粹係我都幾中意食麵的。

這天,走入去路德圍的入麵,感覺有點家庭式的麵店。
    


套餐的幾款麵,既有牛魔王,又有豬八戒,仲有椒鹽雞撈麵或湯麵等,似乎幾吸引,但不知為何,最終我卻選了麻香雞湯麵。

有豬骨、蕃茄和麻辣的湯底可揀,好像無乜胃口,挑了蕃茄湯底,開下胃。

呷口湯,的確是無味精,而且附有木耳絲、粟米粒及菜蔬等,感覺健康。可是,麵條卻太腍身,我比較喜歡有咬口的麵。


麻香雞,果真好多麻醬,甚至有點過多。雞件全都去晒皮,到底係咩玩法?雞肉件件都好大舊,雖唔算嚡口,無雞皮真的唔會好食囉。


加錢可要四隻韭菜餃,但是日只有素餃,不妨一試。外型幾靚仔,夠熱,皮唔會黏牙,餡料豐足味道好,醮些少醋來伴吃,不錯。


跟餐奉送飲品,都係最基本個幾款,要杯珍珠奶茶都好,巧耐無飲過了。

茶味不是我喜歡的一類,但非戰之罪,個人口味問題而已。


老實講,嘢食唔算差,但總覺有點點不太對我口味,有時食嘢都好主觀的。

餐廳資料:
入麵

1 則留言: