Jamie's Italian - 新廚上任

食物：$$$1/2

環境：$$$$

服務：$$$$

在英國嚐過Jamie Oliver旗下的餐廳，反而係香港是沒有試過。

聽說登陸香江初期，人人慕名去試，訂枱要等三兩個月，是令我卻步的原因。

現在，已經唔使瘋癲咁等位，而且知道餐廳有新任總廚Chef Felipe到著，又令我產生興趣前來一試。

姍姍來遲的我，著大家先吃，也不用留頭盤給我，來到有乜食乜，唔夠就多叫一份甜品。

    

安頓好，龍蝦意大利飯剛來到。這碟意大利飯的口感尚好，帶番紅花香，廚子巧妙地混入了蒜頭，令件事生色不少，我也懶理坐我對面的美女既感覺，邊吃蒜頭邊同大家傾傾講講。再者，龍蝦的火侯亦來得恰好，肉爽而不韌，幾好。

作為食肉獸，其實對牛和羊更感興趣。羊架生熟程度拿獵得好，中芯粉嫩的顏色可証明一切。肉質的確是鬆化，無乜霸道的羊羶味，用手拿起來吃才更滋味。伴碟的車厘茄、火箭菜及薯仔，全無欺場。

巨型份量的Tomahawk Steak，看得我口水流。斧頭扒咁厚咁大，是比較難控制火侯，但呢度出品仍沒太韌，且帶有濃濃肉香，近骨位當然更正，呢層唔使多講都知。

原條海鱸魚，魚皮香脆，魚肉嫩滑之餘，香草及檸檬亦發揮了功效，不錯。

最後係一大盤的甜品，三款加埋唔知幾多件的蛋糕放在我跟前，我唔客氣喇。芝士蛋糕屬較軟月滑的一類，但我更喜歡濃得化不開的Brownie，各式口味的雪糕，我誓要將之清掉。

吃這類大魚大肉菜色，是減壓的好方法。起碼對我來講，是。

餐廳資料:
Jamie's Italian
銅鑼灣登龍街1-29號金朝陽中心2期Midtown 2樓
39582222