Follow me on Instagram

2018年3月31日 星期六

幸福小廚 - 好多事? 厚多士?


食物:$$$
環境:$$$
服務:$$$$

數年前,一條地鐵車廂內兩人吵鬧的短片在網上瘋傳,帶鄉音的女士不停罵對方好多事好多事,結果被惡搞成厚多士。

你厚多士,你真係厚多士呀……

厚多士忽然間爆紅,人人去茶記叫份厚多士,放上臉書抽水和呃Like。
 


坦白講,個人並不特別熱衷於厚多士。厚多士與薄多士之間,我會選擇後者。

當然,與朋友柴娃娃齊齊食,偶一為之,又未嚐不可。


元朗呢間幸福小廚,地膽老友話佢既厚多好出名,所以幾條友來了湊熱鬧。叫左三款厚多,分別係奶油多、奶醬多,以及占醬多。

只對占醬多有興趣,始終有果占的感覺,比較醒胃。其餘的兩款,有點太漏。

真是非常的厚,厚得過份,但果占和花生醬太少,唔係咁平衡。


論厚多士,個人還是喜歡跑馬地街市的昌記,那份油沙多,無出其右,記緊要叫「食晒」。


說起來慚愧,雖經常幫襯茶餐廳,但茶記獨有的什麼爆脆華田,我卻從沒見識過,又幾過癮,不過好鬼飽肚。

你,係咪厚多士?

餐廳資料:
幸福小廚
元朗鳳攸南街3號好順景大廈2座地下50號舖
24433055

1 則留言: