開心小敘 - 開心食豬扒蛋

食物：$$$$
環境：$$$1/2
服務：$$$$

元朗街頭/ 小店美食多的是，要一天內掃勻所有美食，恐怕不可能，畢竟已不再是十八、廿二、更沒有吞下宇宙的能耐。

所以這次的Taste of Yuen Long，筆者只是象徵式的參與，其中的車仔麵及這家開心小鈙，我是比較喜歡。
   

開心小鈙的豬扒蛋飯，在元朗出晒名，勁多街坊幫襯，我肯定唔係第一次來。

由於預計會走多場，所以大家只點了豬扒太陽蛋飯及雞翼太陽蛋飯各一，再來些飲品，便是。

不管是那一份，兩隻太陽蛋黃震騰騰，好吸引。有幸分到一隻蛋的筆者，盡情將蛋黃破穿，蛋汁撈勻來拌飯，一流。雞翼是鹵水，勝在入味，但老實講，吸引力始終及不上豬扒。

豬扒太陽蛋飯，雞蛋跟剛才的同一水平，不贅。豬扒鬆化入味，質感不覺假，真係好鬼正。難怪呢間小店多年來都咁旺場。

再整多杯靚茶走，其實食碟頭飯都係好好既享受。

餐廳資料:
開心小敘
元朗鳳攸南街3號好順景大廈地下43號舖
24734433