新店速遞：竹日本料理 - 高手壓陣

食物：$$$$

環境：$$$$

服務：$$$$

近期，不少值得留意的猛料餐廳，其中包括在銅鑼灣Lee Garden二期的竹日本料理。

竹？個名咁熟既，無錯，這店正是與竹壽司屬同一集團，1957旗下最高級的料理店。

呢個集團的餐廳，素來唔嘢少。看此店的陣容，亦十分強大，由新加坡米芝蓮二星店小康和的總廚Masa San擔任顧問，壽司及天婦羅師傅均是來自日本的強手，幾位大師聯手，可想而知會有幾精彩。

　　

是日精彩午餐，以牡丹蝦打頭陣。質素上乘的牡丹蝦，甜美可口，以點點的魚子作點綴，矜貴好開始。更令我印象深刻的，是其醬油，將整件事生色不少。吃一粒蝦，呷一口神級香檳，實在太幸福。

吞拿以繩挷起，熟成十天，吃起來帶出煙燻味，配埋蘿蔔茸及菜蔬一起放入口，非常匹配。

這份安康魚肝最中餅，餅上的圖案與碟子相映成趣。一啖吞下去，餅鬆脆而略帶煙韌口感，之後口腔充斥著鮮味，久久不散，太合心意。

白子松露飯，是我最為期待的食物之一。白子的口感不是人人能接受，我卻十分喜愛，仲要混入醬漬三文魚籽，用來撈飯真是不得了。廚子再刨幾片黑松露，將香氣提升，太美妙了吧～

師傅建議先飲呢個鮑魚湯，清清味蕾，再往下一道的鮑魚菜色。呷幾口，甜到不得了，我從來從來沒喝過如此甜美的湯水，救命呀！

接著來，是鮑魚跟北海道海膽的米飯，撈埋一齊食，鮮味十足，鮑魚亦沒半點韌。

好了，是壽司時間，第一款是春子鲷壽司，正合時令。春子鲷帶點黏性，入口清爽，赤醋飯的壽司，握得柔軟而唔會散，大師的手勢，的確與別不同。

再來係中拖羅，呢款魚經常吃到，入口溶化的質感，加埋握得好的飯糰，又是好吃。

接下來的玉子，看似平凡，其實是混入了蝦等，入口輕怡外，味道複雜。

壽司出色，也期待吃這裡的天婦羅了，始終呢度個主廚，最擅長做Tempura。

放在我眼前的公魚，像曉飛一般，粉漿薄身，入口鬆脆，公魚本身多春，的確美味。

蟹腳炸得乾身香脆，不油膩，鰻魚亦然，水準不在公魚之下。

之後無論是年藕、甘筍，抑或是露筍，同樣做得出色，絕對是本地數一數二吃天婦羅的好地方。

各式天婦羅均是沾上師傅特製的鹽已足夠，但再來的立魚，卻有少許像火鍋的色彩，配上汁醬。本身肉質實在的立魚，添加汁醬，的確好吃很多。

換一換角度，試下鐵板燒。北海道帶子巨型，咁靚既貨色，師傅點燒都一定好食。肉質彈牙，不過老，旁邊的春筍亦爽脆可口，唔係茄厘啡。

接著，是A5的近江和牛，入口溶化的質感，連埋炸蒜片食最好。我連伴邊的本菇也沒有放過。配埋精彩的十四代，簡直是至高無上的享受。

為了一款酥皮甜品，店家專門訂了一台焗爐回來，因為必定要這焗爐，才做得出咁精彩的效果。將甜品放入焗爐三分鐘，酥皮色澤金黃，入口鬆脆，又能保持裡頭的抹茶雪糕沒溶化，唔錯。

晚市的Omakase，你會有興趣嗎？

餐廳資料:

竹日本料理

銅鑼灣恩平道28號利園二期地下G01