2018年4月18日 星期三

Gutsy - 相逢恨晚



食物:$$$$
環境:$$$$
服務:$$$$

許多人問我,係咪已經食勻荃灣所在餐廳,我的答案總會係NO,邊有可能食得晒呀?

如這家吉士餐廳,我從來沒試過,原來又唔錯喎~

週六的晚上九時,仍只剩番最近門口的一張二人枱 (十點前客人走晒,好乖!),看來是我一跟走漏眼的水準餐廳。
    


晚餐價錢由六十八至一百九十八蚊不等,已包沙律及餐湯,仲要免收加一,收費十分合理。


奉送的沙律菜蔬新鮮爽脆,Dressing來得恰好,沒有過份的酸。餐湯質地不是杰撻撻,但喝下去很濃郁,還有不少粟杯粒在內,合心意。


我要客最簡單的Carbonara,將長通粉改成意粉,皆因我對長通粉一向無甚好感。意粉保持一定咬口,芝士香濃郁,不失蛋香,質感Creamy,有驚喜,收呢個價錢我必定會再來翻兜。


另一款係忌廉海膽汁大蝦海鮮燴飯,米飯味道好,而且份量比預期中多。滿有海膽及忌廉汁的香氣,混入蝦、魷魚等海鮮,足料,頂頭兩隻蝦,蝦頭有羔,蝦身爽脆,蠻不錯。


飲品半價,即管要杯棉花糖熱朱古力,飲完飽到上心口。

有種相逢恨晚的感覺。

餐廳資料:
Gutsy
荃灣四陂坊12號雅緻樓地下D舖
37020697

6 則留言: