Zakka Cafe - 簡約

食物：$$$

環境：$$$$

服務：$$$1/2

相隔一排沒來奧海城，又有啲嘢唔同左，尤其是三期嗰邊。

Pacific Coffee收左皮，George Coffee將會頂上。

香港地個鋪位一分為二，拆出來多了一間＃OMG，同樣是美心集團。

地下開了家Zakka Cafe，是西日式的咖啡店，有今期流行的疏乎厘班戟賣。

    

仍未太肚餓，叫一個魚柳漢堡套餐，再加一客人氣疏乎厘班戟，二人分吃，經已足夠。

套餐跟湯或者沙律，選了後者，皆因怕飲完湯已飽左，可幸沙律菜新鮮醒胃。

魚柳漢堡，固然比老麥的十一蚊貨仔好。至少包身微脆軟熟，魚柳較大塊又配上不少醬汁，加埋生菜蕃茄，雖不是頂級，仍可以接受。

放在一旁的薯條勝在夠熱，黑松露醬香氣四溢，令我不自覺地吃清所有薯條，如果可以添加，我會舉手示意，可是現實並不盡如人意。

食下傾下，三十分鐘很容易便過去，疏乎厘班戟送上。是有震騰騰的質感，但毫無香味，配埋糖漿亦不見得可口，是有型無神的出品。

在本地而言，始終是希慎間Flipper's的疏乎厘班戟，較合我心水。

唔知發生咩事，忽然唔想喝咖啡，改要杯熱檸檬茶，結果瀨嘢。

餐廳資料:
Zakka Cafe
大角咀海泓道1號奧海城三期地下G29號舖
24348718